Bo'stonliqda sportchilar uchun zamonaviy sihatgoh qad rostlaydi

Yurtimizning ko'zga ko'ringan taekvondo va bokschilari ushbu maskanda bo'lib, bu erdagi sharoitlar bilan yaqindan tanishishdi. 

Albatta, bugungi kunda mamlakatimizda iqtisodiy, ijtimoiy, siyosiy va manaviy jihatdan asoslangan o'ziga xos, sog'lom turmush tarzi madaniyati tarkib topmoqda. Bu madaniyatning tarkibiy qismi turli xildagi mashg'ulotlar bilan bog'liq. Bunday taraqqiyotni belgilovchi muhim omil sog'lom madaniy hayot, uning tarkibidagi millat salomatligidir. 

Boylik sanalgan salomatlikni saqlashda sog'lomlashtirish mashg'ulotlarining ahamiyati beqiyos. Turli nufuzdagi chempionatlarda, xalkaro turnirlarda muvaffaqiyatli ishtirok etib, yurt sharafini munosib himoya qilib kelayotgan atletlarimiz musobaqalardan so'ng ruhiy toliqish, jismoniy zo'riqishdan o'zlarini tiklab olishlari uchun endilikda yangi loyiha ishlab chiqilmoqda. 

Unga ko'ra, sportchilar ekologik toza va o'zgacha tabiat go'zalligiga ega bo'lgan, o'ziga maftun etuvchi ajoyib manzaralarga ega dam olish maskanlarida sog'liklarini tiklash uchun jalb etilishi kutilmoqda. Loyihalar kengaytirilib, bu erda sog'lomlashtirish va nafas olish mashqlari, umumjismoniy holatni tiklash uchun shug'ullanish zallari, dam olish maskani qurilishi rejalashtirilmokda.

Tez orada etakchi sportchilarimiz chet ellarda emas, o'z uyimizda va barcha qulayliklarga ega bo'lgan maskanlarda bo'lajak musobaqalarga tayyorgarlik ko'rishadi.