Breaking news. Frensis Ngannu MMAga qaytmoqda!

O'tgan yili PFL ligasi bilan shartnoma imzolagan aralash yakkakurash ustasi oktagonni sog'ingan ko'rinadi. U 24 fevral kuni Saudiya Arabistonining Ar-Riyod shahrida o'tkaziladigan Rayan Beyder va Xenan Ferreyra o'rtasidagi jang g'olibiga qarshi oktagonga chiqadi. Bu haqda tashkilot bosh direktori Piter Myurrey rasman xabar berdi.

"PFL ligasi Frensis Ngannuning MMAga qaytayotganini katta xursandchilik bilan elon qiladi. U og'ir vaznda amaldagi Bellator chempioni Rayan Beyder hamda PFL ligasi kamari sohibi Xenan Ferreyra o'rtasidagi superjang g'olibi bilan to'qnash keladi. Frensis – haqiqiy aralash yakkakurash mabudasi. Uning butun dunyoda muxlislari bor. Beyder yoki Ferreyra? Biz Ngannuning raqibi kim bo'lishini sabrsizlik bilan kutamiz", - dedi PFL rahbari. 

O'z o'rnida Frensis Ngannuning o'zi ham ESPN kanaliga bergan intervyusida bu xabarni tasdiqladi. Hozircha "Dahshat"ning jangi sanasi va manzili haqida hech qanday malumot yo'q. SHunisi aniqki, uning raqibi Beyder yoki Ferreyra bo'ladi. Ayni paytda kamerunlik sobiq chempion 8 mart kuni Ar-Riyodda Entoni Joshuaga qarshi o'tkaziladigan boks jangiga tayyorgarlik ko'rmoqda. 

Eslatib o'tamiz, o'tgan yilning oktyabr oyida Ngannu professional boksda debyut qilgan va 10 raund to'liq davom etgan jangda hakamlarning ayri qarori bilan Tayson Fyuriga yutqazgandi. Uchinchi raundda Frensis amaldagi chempionni nokdaun holatiga ham tushirib qo'ygandi.