Brisbane International. Omadsiz Opelka, Lexechka kurashsiz chempion bo'ldi

Hal qiluvchi final uchrashuvida amerikalik Reylli Opelka omadsizlikka uchradi. Finalgacha bo'lgan yo'lni ko'tarinki kayfiyatda bosib o'tgan Reylli jarohat sabab birinchi setning beshinchi geymidan keyin bahsni davom ettira olmasligini malum qildi. Bu paytga kelib, u dunyoning 28-raketkasi chexiyalik Irji Lexechkaga 1/4 hisobida yutqazayotgandi.  

Taqqoslash uchun, Opelka finalgacha ATP reytigida 293-pog'onani egallab turgandi. Final uchrashuvi bor yo'g'i 15 daqiqa davom etgan. Bu tennischilarning o'zaro ilk uchrashuvi bo'ldi. Brisbane International turniridagi muvaffaqiyatli ishtirok Lexechkaga 250 reyting ochkosi hamda 96,985 AQSH dollari miqdorida mukofot puli keltirdi. Opelka esa bir haftalik mehnatidan 165 ochko va $56,580 ishlab oldi.