Bu reytinglarni kim va nimaga asoslanib tuzishini bilmayman - Islam Maxachev. U yana nima qilishi kerak?

U navbatdagi kamar uchun himoya jangini o'tkazdi. Dog'istonlik jangchi Aleksandr Volkanovskini shafqatsiz tarzda nokautga uchratdi. Ammo jangdan keyin Pound-for-pound reytingi malum qilingach, ko'plab savollar tug'ildi. Unda vazn toifasidan qatiy nazar, tashkilotning eng yaxshi jangchilari reytingi tuziladi. Ko'pchilik Volkanovski ikki marta mag'lub etilgach, Maxachev dominant bo'lib olishini kutib turgandi, biroq yangnilangan reytingda Islam bir pog'ona ko'tarildi va ikkinchi o'ringa joylashtirildi. 

CHempionning o'zi allaqachon uyga qaytib bo'lgan. “Ushatayka” (rossiyalik sport blogeri) bilan suhbatda ushbu holatga izoh berishga ulgurdi. Uning takidlashicha, reytinglar qanday princip asosida tuzilishini umuman tushunmaydi. “Bu reytinglarni kim va nimaga asoslanib tuzushini bilmayman. Birinchi raqamli P4P’ni taslim etdim, ammo ular meni birinchi pog'onaga joylashtirishmadi. Buni ajablanarli joyi yo'q, balki bazi foydalari bordir. Yana qanday yo'l bilan etakchi bo'lib olishimni anglay olmayapman. Agar siz birinchi raqamli jangchini engib ham undan pastdamisiz, men buni izohlab bera olmayman, uzr”, degan Islam.

Takidlash joizki, tashkilot Maxachevni oliy pog'onaga qo'yishini hamma ham kutmagandi. Masalan, sobiq UFC jangchisi Aleksey Kunchenko hozircha Islam P4P reytingida etakchilik qilmasligini taxmin qilgan. “Albatta, P4P’da birinchi o'ringa Jonsni qo'ygan bo'lardim, chunki u afsona. Maxachev unga tenglashib olishi uchun hali ancha jang o'tkazishi lozim. Agar 10 marta himoya jangini o'tkazsa, keyin o'ylab ko'rsa bo'ladi. U yaxshi jangchi, biroq hozircha Islamga oliy o'rinni bermagan bo'lardim”, deydi Kunchenko. SHu bilan birga, amerikalik chempion kamdan-kam jang qiladi, degan argument paydo bo'ladi. Jons 44 oy (3yarim yildan ko'proq) ichida bitta jang o'tkazdi. Xuddi shu vaqt ichida dog'istonlik 7 marta jang qildi, ikki marta chempionlik kamarni himoya qilib, barchasida zafar quchdi. 

Aftidan, Islam P4P reytingida birinchi o'ringa qo'yilmaganining muhim sababi bor va bu Jon Jons bilan Stipe Miochichning bo'lajak jangi. Hatto Jons jamoasi ichida super yulduz o'zining so'nggi yillarini o'tkazayotgani haqida mish-mishlar tarqalgan. Agar UFC tashkilotchilari afsonaviy jangchilardan birini jangiga 3 hafta qolganida oliy o'rindan olib tashlashsa, g'alati bo'lardi. (Reyting elon qilinganida hali Jons - Miochich jangi bekor bo'lmagandi). Maxachev birinchi o'rinni egallashi uchun hali yana biroz vaqt kerak bo'ladi. U o'z vaznida mutlaq tengsiz va ikkinchi kamarga ega bo'lishni niyat qilgan.

Xorijiy sayt asosida Xabib Jo'raboev tayyorladi