Bu voqea javobsiz qolmaydi - Jahongir Najmiddinov kechagi jang va raqibining hurmatsizligi haqida

Jahongir Najmiddinov (8-5-1) Octagon 41 turniri doirasida qozog'istonlik Teymur Japarovga (12-3-1) qarshi oktagonga ko'tarildi. 3 raundga mo'ljallangan jang to'liq davom etdi va unda qozog'istonlik Teymur Japarov hakamlarning yakdil qarori bilan g'alaba qozondi.

Jang natijasi elon qilinib, qozog'istonlik jangchi g'olib deb topilganidan so'ng hamyurtimiz raqibiga norozilik bildirdi va natijada oktagon ichida janjal yuzaga keldi. MMAchimiz mazkur holat yuzasidan munosabat bildirdi.

«Hali to'qqizinchi g'alabani qaytaramiz. Bizga omad etishmadi. Lekin bu voqea javobsiz qolmaydi. Men o'zbekligimdan faxrlanaman, men uchun or-nomus birinchi o'rinda», - deb yozib qoldirdi sportchi ijtimoiy tarmoqda.