Budapesht biz uchun qanchalik omadli?

Unda 69 mamlakatdan 450 nafardan ortiq sportchi ishtirok etishi kutilmoqda. Hozirda terma jamoamiz tayyorgarlikning so'nggi bosqichini olib bormoqda. Quyida shu paytga qadar Budapeshtda bo'lib o'tgan musobaqalarda dzyudochilarimizning etiborga molik natijalarini yodga olamiz:

Budapesht 2014 yildan etiboran IJF tasnifiga kiruvchi musobaqalarga mezbonlik qiladi. Ushbu shaharda 2014-2016, 2018-2019 yillarda Gran-pri turnirlari, 2017 yil esa jahon chempionati bo'lib o'tgan. Ushbu musobaqalarda terma jamoamiz vakillari 1 ta oltin, 1 ta kumush va 7 ta bronza medallariga sazovor bo'lishgan. Yagona oltin medalni 2015 yil Yahyo Imomov -81 kg vazn toifasida qo'lga kiritgan edi.

2014 yil

Medal yo'q

2015 yil

Oltin: Yahyo Imomov (-81 kg)

Bronza: SHarofiddin Lutfillaev (-60 kg)

2016 yil

Kumush: Soyib Qurbonov (-100 kg)

Bronza: SHarofiddin Lutfillaev (-60 kg), Rishod Sobirov (-66 kg), Gulnoza Matniyazova (-70 kg)

2017 yil (JCH)

Bronza: Diyorbek O'rozboev (-60 kg)

2018 yil

Medal yo'q

2019 yil

Bronza: SHahram Ahadov (-66 kg), Hikmatilloh To'raev (-73 kg)

Umid qilamizki, bu yilgi musobaqada terma jamoamiz vakillari Vengriya poytaxtida o'zlarining eng yaxshi natijasini qayd etishadi. Bu borada dzyudochilarimizga omad yor bo'lsin deb qolamiz.