Bugun Franciyada sport kurashlari bo'yicha Jahon chempionati start oladi

Yilning ushbu nufuzli musobaqasida O'zbekiston terma jamoasi ham to'liq tarkibda ishtirok etadi. Terma jamoamiz tarkibidan asosan o'tgan yili Filippin poytaxti Manila shahrida o'tkazilgan Osiyo chempionatining g'olib va sovrindorlari joy olgan.

Bugun jahon chempionatining ilk kunida yunon-rum kurashi vakillari 50, 60, 74 va 96 kg vazn toifalarida gilamga chiqishadi. Bugun bizga ilk medalni istedodli sportchimiz o'smirlar o'rtasidagi Nankin Olimpiadasi g'olibi, Osiyo chempioni Ilhom Bahromov keltirishi mumkin. U 50 kg vazn toifasida yurtimiz sport sharafini himoya qiladi.

SHuningdek, bugun Javohir Mirahmedov, Qamariddin Zayniddinov va Jalgas Berdimuratovlar medallar uchun bahslarga kirishishadi. Terma jamoa katta murabbiyi Ravshan Ro'ziqulov.