Bugun Jahon chempionatida yana bir dzyudochimiz medallar uchun tatamiga chiqadi

Dunyo birinchiligida 4 qitaning 49 davlatidan jami 405 (223 o'smir, 182 qiz) nafar dzyudochi medallar yo'lida tatamiga chiqyapti. Ushbu jahon chempionatida yurtimiz sharafini Tohir Fayziev murabbiyligidagi istedodli dzyudochilarimiz Inoyat Telmanov (-66 kg) va Inomjon Bahodirov (-73 kg) himoya qilyapti.

Bugun tong saharda Inoyat Telmanov jahon chempionatining bronza medaliga sazovor bo'ldi. Inomjon Bahodirov esa bizning vaqt bilan bugun kechqurun o'z ishtirokini boshlaydi. U ikkinchi davradan bahslarga qo'shiladi va bu bosqichda gruziyalik Giorgi Mumladzega qarshi tatamiga chiqadi.