Bugun Kiev turniri finalida o'zbek derbisiga guvoh bo'lamiz

O'z tarixida 24-marotaba tashkil etilayotgan musobaqada dunyoning yigirmadan ziyod davlati qatorida O'zbekiston terma jamoasi azolari ham har uchchala yo'nalishda yurtimiz sport sharafini himoya qilishyapti. Kecha musobaqaning birinchi kuni uch yo'nalishda ham bir nechtadan vazn toifasida saralash bellashuvlari o'tkazilib, finalchilar aniqlandi. 

Quvonarlisi, -57 kg vazndagi erkin kurashchilar bahsida ikki hamyurtimiz finalga etib keldi. Nodirjon Abdullaev va G'ulomjon Abdullaev final yo'lidagi raqiblarini engib, bugun o'tkaziladigan oltin medal uchun uchrashuvda gilamga chiqish huquqini qo'lga kiritishdi. Abdullaev finalgacha ukrainaliklar Sergey Terzi, Taras Markovich, belaruslik Arian Tyutrin, yarim finalda yana bir hamyurtimiz Mahmudjon SHavkatovni mag'lubiyatga uchratdi. Nodirjon Safarov esa ruminiyalik Razvan Kovach, gruziyalik Roberti Dingashvili, qirg'izistonlik Bekbolot Mirzanazardan ustun keldi. Ushbu vaznda gilamga chiqqan Mahmudjon SHavkatov bugun bronza medali uchun kurashadi.    

-86 kg vaznda yurtimiz sharafini himoya qilayotgan Javrail SHapiev ham bugun bronza medali uchun kechadigan bellashuvda o'z mahoratini namoyish etadi. SHapiev turkiyaliklar Fatix Erdin va Osman Gochen, moldovalik Pyotr Yanulovni mag'lub eta oldi. Yarim finalda polshalik Sebastyan Jezerzanskiga so'nggi ball evaziga yutqazib qo'ydi.