Bugun kurashchi qizlarimiz Jahon chempionati medallari uchun gilamga chiqishadi

Yilning ushbu nufuzli musobaqasida O'zbekiston terma jamoasi ham to'liq tarkibda ishtirok etyapti. Terma jamoamiz tarkibidan asosan o'tgan yili Filippin poytaxti Manila shahrida o'tkazilgan Osiyo chempionatining g'olib va sovrindorlari joy olgan.

Bugun jahon chempionatining uchinchi kungi bahslarida ayollar kurashi bo'yicha g'olib va sovrindorlar aniqlanadi. Aniqrog'i, 44, 51, 59, hamda 67 kg vazn toifalarida g'olib va sovrindorlar noma malum bo'ladi.

Ayollar kurashi terma jamoamiz azolaridan bugun uch nafari gilamga chiqadi. 51 kg vaznda Nodira Sobirova, 59 kg vazn toifasida Nabira Esenbaeva hamda 67 kgda Baxtigul Boltaniyozova sovrinli o'rinlar uchun bahslarga kirishishadi. Terma jamoa katta murabbiyi – Axmet Kagarmanov.

Eslatib o'tamiz, bizga ushbu jahon chempionatidagi ilk va hozircha yagona bo'lib turgan medalni istedodli sportchimiz o'smirlar o'rtasidagi Nankin Olimpiadasi g'olibi, Osiyo chempioni Ilhom Bahromov keltirgandi. U finalda rossiyalik raqibiga imkoniyatni boy berib, jahon vice-chempioniga aylangandi.