17 may 12:32
Yangiliklar

Taekvondo

Bugun medal kutayotganimiz Rafalovich hamda yana ikki taekvondochimiz dayanga chiqadi

Buyuk Britaniyaning Manchester shahrida taekvondoning olimpiya oilasiga mansub WT yo'nalishi bo'yicha Jahon chempionati davom etmoqda.

Bugun Tokio Olimpiadasiga muhim va qimmatli reyting ochkolarini berishi bilan ahamiyatli bo'lgan nufuzli musobaqada uch nafar taekvondochimiz dayanga chiqadi. Ular orasida jahon chempionati medaliga davogar Nikita Rafalovich ham bor.

-74 kg vazn toifasida yurtimiz sharafini himoya qiluvchi vakilimiz ikkinchi davradan bahslarga kirishadi. Bu bosqichda u Benin va kiprlik sportchilar bahsi g'olibi bilan to'qnash keladi.

SHuningdek, bugun Osiyo o'yinlari kumush medali sovrindori Madinabonu Mannopova (-49 kg) indoneziyalik Oqila Ramadan, -57 kg vazndagi Zariya Qosimova senegallik Bineta Didiu bilan hisob-kitob qiladi. Har ikki qizimiz ilk davrada dayanga chiqishadi.