30 dek 11:20
Yangiliklar

Tadbirlar

Bugun Milliy stadionida Grand Final g'oliblari hamda 2020 yilning Eng yaxshi sportchisi taqdirlanadi

Jismoniy tarbiya va sport vazirligi tomonidan O'zbekiston Milliy olimpiya qo'mitasi, Esports Uzbekistan, Full Level Esports hamkorligida tashkil etilgan Yangi yilga sport bilan!” shiori ostidagi ommaviy sport festivalining so'nggi kungi musobaqalari birozdan so'ng boshlanadi.

Bugun yurtdoshlarimiz yilning eng yirik loyihalari – shaxmat bo'yicha onlayn O'zbekiston chempionati hamda kibersport bo'yicha “Uzbekistan Online Cup” musobaqalarining Grand Final g'oliblarini bilib olishadi.

Xo'sh, Spark avtomobili hamda umumiy jamg'armasi 100 million so'mdan ziyod bo'lgan kibersport musobaqalarining bosh sovrini kimga nasib etadi? Bu savollarga javob topishni istasangiz, hoziroq «Milliy» stadionga shoshiling!

Kunning eng kulminacion voqeasi – murakkab sharoitda kechgan 2020 yilning «Eng yaxshi sportchisi» nominaciyasida omad qaysi sportchimizga kulib boqadi? Bu savolga ham aynan bugun, «Milliy» stadionida javob olasiz.

SHunday ekan, Toshkent shahri aholisi va poytaxtimiz mehmonlari, qolaversa ommaviy axborot vositalari xodimlari hamda blogerlarni «Milliy» stadioniga chorlaymiz!