Bugun Nigina Abduraimova Australian Open turnirida kortga chiqadi

Umumiy mukofot jamg'armasi 51,5 million AQSH dollarini tashkil qiluvchi Australian Open musobaqasining ayollar o'rtasidagi saralash bahslarida hamyurtimiz Nigina Abduraimova ham o'z imkoniyatini sinovdan o'tkazadi. 

Hamyurtimiz qura natijasiga ko'ra saralashning ilk davrasida ispaniyalik Leyre Gormazga qarshi kortga chiqadi. Ushbu uchrashuv bizning vaqt bilan soat 11:20da boshlanadi. Abduraimova WTA reytingida 180, Gormaz esa 169-o'rinni egallab turibdi. 

Malumot uchun, ham ayollar, ham erkaklar yakkalik bahslarida g'alaba qozonadigan tennischilar qimmatli 2000 reyting ochkosi bilan birga bankdagi hisob raqamlarini 2 million 54 ming dollarga boyitib oladilar. Asosiy davraning 1-bosqichida mag'lub bo'lgan tennischi ham uyiga 75 160 dollar bilan qaytadi. 

Australian Open turniri o'z tarixida 111-marotaba o'tkazilyapti. Rafael Nadal (Ispaniya) va Eshli Barti (Avstraliya) musobaqaning amaldagi g'oliblari sanalishadi.