Bugun Turkiyadagi "Katta Dubulg'a"da 7 nafar dzyudochimizga muxlislik qilamiz

Ushbu nufuzli musobaqada sayyoramizning 5 qitasi 93 davlatidan jami 628 nafar (355 erkak, 273 ayol) dzyudochi ishtirok etadi. Ular qatorida O'zbekiston terma jamoasi dzyudochilari ham medallar hamda Parij-2024 Olimpiadasi yo'lidagi qimmatli reyting ochkolari uchun tatamiga chiqadi. 

Odatdagidek, dastlabki kun engil vazn toifasidagi sportchilar tatamida kuch sinashishadi. Unga ko'ra, O'zbekiston terma jamoasining 7 nafar vakili ilk yurishini quyidagi raqiblarga qarshi bahs bilan boshlaydi: 

-60 kg: Doston Ro'ziev - Andrea Karlino (Italiya)

-60 kg: Dilshod Baratov - Kristos Pinsis (Greciya)

-66 kg: Muhriddin Tilovov - Konrad SHoka (Neytral sportchi)/Lukas Saha (Finlandiya)

-66 kg: Sardor Nurillaev - Boyan Yotov (Bolgariya)/Orlando Polanko (Kuba)

-52 kg: Sita Qadamboeva - Roza Gertes (Vengriya).

-57 kg: Gulhayo Jo'raeva - Anjelika Delgado (AQSH)/ Lseniya Danilovich (Neytral sportchi)

-57 kg: SHukurjon Aminova - Asenur Budak (Turkiya).

Bugungi bellashuvlar Toshkent vaqti bilan soat 11:30 da boshlanadi!