Bunaqasi hali bo'lmagandi. Etti nafar dzyudochimiz jahon reytingi peshqadami!

Xabaringiz bor, jahon chempioni Davlat Bobonov (-90 kg) hamda Diyora Keldiyorova (-52 kg) kattalar o'rtasida o'z vazn toifalarida reyting karvonboshisi bo'lib turishibdi. SHuningdek, 5 nafar o'smir va yoshlarimiz ham dunyo reytingida peshqadamlikni o'z qo'llariga olishdi. 

SHu yil Bosniya va Gercegovinaning Saraevo shahrida o'tgan kadetlar o'rtasidagi jahon chempionati g'olibasi Barchinoy Qodirova (-70 kg), kadetlar o'rtasida Osiyo chempioni, “Osiyo bolalari” musobaqasi g'olibasi Laziza Haydarova (-40 kg), Ekvadorning Guayakil shahrida o'tgan yoshlar o'rtasidagi jahon chempionati g'olibi Jahongir Mamatrahimov (-90 kg), ushbu musobaqaning kumush medali sohibi Azizbek Ortiqov (-66 kg), bronza medali egasi Islombek Ravshanqulov (+100 kg) o'z vaznlarida jahon reytingini boshqarib turishibdi.