24 okt 15:41
Yangiliklar

Taekvondo

Butunjahon armiya o'yinlari. Svetlana Osipovada ham oltin medal!

Xabar berganimizdek, Xitoyning Uxan shahrida VII Butunjahon armiya o'yinlari davom etmoqda.

+73 kg vazn toifasida yurtimiz sharafini himoya qiluvchi Svetlana Osipova finalda franciyalik Solene Avoulette bilan jang qildi. Keskin kurashlarga boy bahsda hamyurtimiz 8:3 hisobida g'alaba qozondi va chempionga aylandi!

Bunga qadar Osipova musobaqada italiyalik Laura Jiakominini (9:2), rossiyalik Olga Muzichkani (13:1) mag'lub etgan edi.

Malumot uchun, kecha taekvondochilarimizdan Madinabonu Mannopova, bugun Ulug'bek Rashitov oltin medallarni qo'lga kiritgandi. Sardor Toirov esa kumush medalga ega chiqqandi.