Butunjahon armiya o'yinlari. Taekvondochilardan bugun bitta oltin va uchta bronza!

Bugungi kungi musobaqalarda ham to'rt nafar taekvondochimiz yurtimiz sharafini himoya qildi.

-63 vazn toifasida Niyoz Po'latov rossiyalik Janat Iskakovni 30:0 hisobida tor-mor etdi va bronza medaliga ega chiqdi. Po'latov ilk bosqichda qozog'istonlik Islamgali Abuov, so'ngra xitoylik Xairui Vangni, chorak finalda eronlik Kamron Mardanipurni mag'lub etgandi. Yarim finalda franciyalik Dilan CHellamotoga yutqazib qo'ydi va bronza medali uchun kurash olib bordi.

-62 kg vazn toifasida hamyurtimiz Feruza Sodiqova dominikanlik Anduxar Jenesisni 46:7 hisobida taslim qildi va bronza medalini qo'lga kiritdi. Malumot uchun, Sodiqova va musobaqani chorak finalda rossiyalik Yuli Turutina ustidan g'alaba bilan boshladi. Yarim finalda esa xitoylik Jie Songga yutqazib qo'ygandi.

-54 kg vazn toifasida o'zbekistonlik Otabek Turg'anbekov misrlik Muaz Azatni 24:19 hisobida mag'lub etdi va bronza medali sohibiga aylandi. Eslatib o'tamiz, Turg'anbekov dastlabki bosqichda koreyalik Park Yongchulni, nimchorak finalda kuvaytlik Ali Almershadni mag'lub etgandi. CHorak finalda esa braziliyalik Paulo Meloga imkoniyatni boy berib qo'ygan va bronza medali uchun kurashish imkoniyatini saqlab qolgandi.

-53 kg vazn toifasida CHaros Qayumova finalda germaniyalik Nadya Nutxaft Roxana ustidan 29:15 hisobida g'alabaga erishib oltin medalni qo'lga kiritdi! Eslatib o'tamiz, CHaros 1/8 finalda misrlik Maram Izatni, chorak finalda serbiyalik Tiyana Bogdanovichni, yarim finalda braziliyalik Leonor Saraviyani mag'lub etgandi.

O'zbekiston taekvondo WT associaciyasi matbuot xizmati