21 noy 17:20
Yangiliklar
Karate
Butunjahon karate federaciyasi Prezidenti Milliy olimpiya qo'mitasida mehmon bo'ldi
Bugun O'zbekiston Milliy olimpiya qo'mitasida Toshkentga rasmiy tashrif bilan kelgan Butunjahon karate federaciyasi (WKF) Prezidenti Antonio Espinoz boshchiligidagi delegaciya mehmon bo'ldi.
Etiborli jihati shundaki, Espinoz ilk marotaba Markaziy Osiyo mintaqasiga keldi va tashrifini aynan poytaxtimizdan boshladi.
Delegaciya azolarini
MOQ Bosh kotibi Oybek Kasimov hamda Jismoniy tarbiya va sport davlat
qo'mitasi raisi o'rinbosari, MOQ vice-prezidenti Farxod Turdievlar kutib
olishdi. O'zbekistonga uyushtirilgan safari davomida martabali mehmonga
Butunjahon karate federaciyasi vice-prezidenti, General-mayor Nosir Abdul
Razzoq Al Razzoqi va WKF Ijroiya qo'mitasi azosi, Saudiya Arabistoni
karate federaciyasi Prezidenti Ibrohim Muhammad Al Gannas hamrohlik
qilishmoqda.
Mehmonlar dastlab MOQ
binosida joylashgan Respublika sport tibbiyoti ilmiy-amaliy markazi bilan
yaqindan tanishishdi. Aytish kerakki, markaz jahon karate tashkiloti
rahbarlarida katta taassurot qoldirdi. Bu erda sportchilar salomatligini
tiklash, tibbiy ko'rikdan o'tkazish, ularning funkcional va fiziologik
holatlarini yaxshilashga xizmat qiladigan xonalar, maxsus labaratoriya, bir
so'z bilan aytganda yaratilgan sharoitlarga mehmonlar yuqori baho berishdi.
SHundan so'ng Qo'mitaning
muzokaralar zalida ikki tomon o'rtasida uchrashuv bo'lib o'tdi. O. Kasimov
mehmonlarni qutlar ekan, karate mamlakatimizda eng ommaviy sport
turlaridan biri ekanligi, bugungi kunda butun Respublikamiz bo'ylab 50
000 dan ziyod yoshlar sportning ushbu turi bilan muntazam shug'ullanib
kelayotganligini malum qildi.
Yurtimizda sportni
rivojlantirish yo'lida olib borilayotgan islohotlar o'z samarasini
berayotgani, buning natijasi o'laroq o'zbekistonlik karatechilar xalqaro
maydonda munosib ishtirok etib, bir qator nufuzli turnirlarda g'olib va
sovrindorlar safidan joy olishayotganiga alohida urg'u berdi.
F. Turdiev esa o'z navbatida Butunjahon karate federaciyasi rahbarlarini karate sport turining ilk marotaba Tokio 2020 Olimpiya o'yinlari dasturiga kiritilganligi va olimpiya oilasiga azo bo'lgani bilan samimiy qutladi. SHuningdek, karate nafaqat sportning ushbu turi vatani hisoblangan Yaponiyadagi Olimpiya o'yinlarida, balki undan keyingi Olimpiadalarda ham doimiy ravishda o'yinlar dasturidan o'rin olishiga umid bildirdi.
Antonio Espinoz bunga
javoban Butunjahon karate federaciyasi keng ko'lamda ish olib borayotgani,
karateni butun dunyoda yanada rivojlantirish, uning ommaviyligini oshirish
yo'lida qator loyihalar ishlab chiqilayotganini takidlab o'tdi. O'zbekiston
Marakaziy Osiyo mintaqasida sportning ushbu turi yuksak darajada taraqqiy
etgan mamlakat ekanligini hisobga olib, WKF Prezidenti Toshkentda Osiyo
karate markazini tashkil etish taklifi bilan chiqdi.
SHuningdek, O'zbekiston
karate milliy federaciyasi Prezidenti Alamjon Mullaevning nafaqat
yurtimizda, balki butun mintaqada karateni rivojlantirish yo'lida olib
borayotgan ishlarini yuqori baholadi.
Tokio 2020 Olimpiya
o'yinlarida karate bo'yicha musobaqalar 6 ta vazn toifasida (3 ta erkaklar,
3 ta ayollar) tashkil etiladi. SHuningdek, Kata bo'yicha 2 ta vazn toifasida
(erkaklar va ayollar) bahslarda ishtirok etishadi. Hammasi bo'lib Olimpiya
o'yinlariga karate uchun 80 ta licenziya ajratiladi. (har bir vaznda 10
tadan).
Demak, o'z o'zidan
ko'rinib turibdiki kunchiqar yurtdagi Olimpiya o'yinlariga yo'llanma olish aslo
oson bo'lmaydi. Tokio tatamilarida dunyoning eng sara karate ustalari
chiqish qilishadi. WKF rahbari Olimpiya o'yinlariga licenziyalar turli
musobaqalarda jamg'arilgan reyting ochkolari evaziga qo'lga kiritilishini
malum qildi. Ana shunday licenzion turnirlar 2018 yilning aprel-may
oylaridan boshlanadi va butun dunyo karatechilari qimmatli reyting ochkolari
uchun to Olimpiya o'yinlariga qadar, yani 2 yil davomida kurash olib
borishadi.
Janob Espinoz
O'zbekiston ham karate sport turi jadal suratlarda rivojlanib borayotgan
mamlakat sifatida Tokio 2020 Olimpiya o'yinlarida katta delegaciya bilan
ishtirok etishidan umidvor ekanligini izhor qildi. Bunga javoban Oybek
Kasimov bugungi kunda O'zbekiston Milliy olimpiya qo'mitasi va bir qator
nufuzli xalqaro sport tashkilotlari o'rtasida mustahkam aloqalar
o'rnatilganligi, shu jumladan Butunjahon karate federaciyasi bilan ham
hamkorlik doirasini kengaytirish, aloqalarni yanada mustahkamlashdan faqat
hursand bo'lishini malum qildi.
Uchrashuv yakunida Oybek
Kasimov mehmonlarga esdalik sovg'alarini topshirdi. O'z navbatida Antonio
Espinoz samimiy qabul uchun minnatdorchilik izhor etar ekan MOQ Prezidenti
va Bosh kotibiga alohida esdalik sovg'alarini taqdim etdi.
Malumot uchun,
Butunjahon karate federaciyasi (World Karate Federation, WKF) –Xalqaro
olimpiya qo'mitasi tomonidan tan olingan xalqaro tashkilot bo'lib, butun
dunyoda karateni rivojlantirish bo'yicha faoliyat olib boradi. Tashkilotga
jahoninng 192 ta milliy federaciyalari azo bo'lgan. SHtab-kvartirasi
Madrid (Ispaniya)da joylashgan.
Karate shuningdek, 2018 yilning oktyabrida Buenos-Ayres (Argentina)da bo'lib o'tadigan III o'smirlar Olimpiya o'yinlari dasturidan ham joy olgan. Argentinada musobaqalar 6 ta vazn toifasida o'tkaziladi. O'smirlar (-61kg -68kg va +68kg), qizlar esa (-53kg, -59kg va +59kg) vazn toifasida g'oliblik uchun kurash olib borishadi. Karate barcha qitalar o'yinlari dasturida ham bor. Osiyo o'yinlarida karate birinchi marta 1994 yil Xirosima (Yaponiya)da taqdim etilgan.
Havola :
Manba : olympic.uz
Fikrlar