Buxoroda zamonaviy dzyudo sport zali foydalanishga topshirildi FOTOREPORTAJ

Tadbirda Xalq talimi vaziri Baxtiyor Saidov, Buxoro viloyati hokimi Botir Zaripov, O'zbekiston dzyudo federaciyasi raisi o'rinbosari Zafar Mamajonov, viloyat xalq talimi, sportni rivojlantirish boshqarmalari, Buxoro shahridagi umumtalim maktablari rahbarlari hamda yoshlar ishtirok etdi.

Qayd etilganidek, so'nggi yillarda mamlakatimizda Prezidentimiz rahnamoligida sportni rivojlantirish, yosh iqtidorli sportchilarni kashf etish, ularning munosib mashg'ulotlar o'tashlari uchun zamonaviy sport inshootlari barpo etishga alohida etibor qaratilmoqda.

Buxoro shahridagi 10-umumtalim maktabi o'quvchilari, qolaversa, mahalla yoshlariga sport bilan muntazam shug'ullanish imkoniyatini taqdim etayotgan yangi markaz O'zbekiston dzyudo federaciyasi hamda qator hamkor tashkilotlarning 3 mlrd. so'mdan ortiq mablagi evaziga qurib bitkazildi. Ochilish marosimida sportchi yoshlarning ko'rgazmali chiqishlari tashkil qilindi. 

O'ylaymizki, Buxoro zaminidan Rishod Sobirov, Ramziddin Saidov, Kamol Murodov, SHahram Ahadov singari dunyoga mashhur dzyudochilar etishib chiqadi.