Charleston Open. Darya Kasatkina final ostonasida Jaberga yutqazdi

Ilk 1/2 final uchrashuvida dunyoning sakkizinchi raketkasi, rossiyalik Darya Kasatkina reytingda o'zidan uch pog'ona yuqorida borayotgan tunislik Ons Jaberga qarshi kortga chiqdi va 5/7, 5/7 hisoblarida imkoniyatni boy berdi.

Bir soatu 48 daqiqa davom etgan bahsda Jaber 5 ta eys, 4 ta qo'shxato va 7 ta breyk qayd etdi. Kasatkina esa bironta eys zarbani amalga oshira olmadi. Tennischilarning o'zaro uchrashuvlaridagi hisob Ons foydasiga 5:2 ko'rinishiga keldi. 

Etiborlisi, birinchi set 4/1 hisobida Darya foydasiga hal bo'layotgan bir paytda yomg'ir yog'ib ketdi va natijada uchrashuv bir necha soatga to'xtatildi. Bu to'xtalish Jaber foydasiga ishladi. 

Tunislik tennischining Credit One Charleston Open turniri finalidagi raqibi amerikalik Jessika Pegula hamda shveycariyalik Belinda Benchich o'rtasidagi uchrashuvdan so'ng malum bo'ladi. Ushbu bahs ham yomg'ir sabab to'xtatildi. Hisob 7/5, 6/6 (2/4), Benchich foydasiga bo'lib turibdi.