28 noy 13:09
Yangiliklar

Boks/MMA

CHempion bokschilarimiz Toshkentda tantanali kutib olindi (FOTO)

Xabar berib o'tganimizdek 14-26 noyabr kunlari Ispaniyaning La Nusiya shahrida boks bo'yicha yoshlar o'rtasida jahon chempionati o'tkazildi.

Ushbu musobaqada O'zbekiston yoshlar terma jamoasi har qachongidanda muvaffaqiyatli ishtirok etib, 5 ta oltin, 3 ta kumush va 2 ta bronza medallarini qo'lga kiritdi va umumjamoa hisobida birinchi o'rinni egalladi.

CHempionlarimiz bugun musobaqadan qaytib kelishdi. Ular Islom Karimov nomidagi Toshkent xalqaro aeroportida tantanali ravishda kutib olindi. Kutib olish marosimida O'zbekiston Sportni rivojlantirish vaziri Adham Ikramov, Milliy olimpiya qo'mitasi bosh kotibi Oybek Kasimov, O'zbekiston boks federaciyasi raisi o'rinbosari Saken Polatov, vazirlik va federaciya mutasaddilari, sportchilarning yaqinlari, muxlislar va OAV vakillari ishtirok etishdi.

Tadbirdan olingan suratlarni tomosha qiling.