CHempionat yakunlari tahlil qilinib, rejalar belgilab olindi

Unda viloyatlarda faoliyat yuritayotgan murabbiylar, yoshlar va kattalar o'rtasida o'tkazilgan O'zbekiston chempionatining g'olib hamda sovrindorlari, hakamlar ishtirok etdi.

Yig'ilishga boshchilik qilgan O'zbekiston Milliy olimpiya qo'mitasi rais o'rinbosari, O'zbekiston dzyudo federaciyasi raisi Azizjon Kamilov yoshlar va kattalar terma jamoamiz azolari bilan muloqotga kirishdi.

Federaciya rahbari so'zi avvalida poytaxtimizda ikki hafta oralig'ida yoshlar va kattalar o'rtasidagi O'zbekiston chempionatining muvaffaqiyatli tarzda o'tkazilgani bilan tabriklab, barchaga minnatdorchilik bildirdi.

SHundan so'ng yig'lishning asosiy masalalari yuzasidan muhokamaga o'tildi.

 Federaciya raisi dzyudochilarimizni ostonada eshik qoqayotgan 2021 yilda murosasiz mavsum kutayotgani, buni har bir sportchi qalbidan his qilib, har bir bellashuvga final bahsiga chiqayotgandek tayyorgarlik ko'rishi kerakligini urg'uladi.  

SHuningdek, yig'ilishda Parij-2024 Olimpiadasiga hozirning o'zidan boshlab tayyorgarlik ko'rish, selekciya ishlarini jadallashtirish, viloyatlar kesimida o'smirlar va yoshlar o'rtasidagi musobaqalarni ko'proq o'tkazish, malakali murabbiy va hakamlarni tayyorlashga urg'u qaratish masalasi eng ustuvor vazifalardan bo'lishi aytildi.