CHimaev: "UFC menga barcha kamarlarni berishi kerak"

"Hozir chempionlik jangi haqida o'ylamayapman. Bor etiborimni Usman bilan jangga qaratishga qaror qildim. UFC avval aytganimdek menga: "Agar Gilbert Byornsni mag'lub etsang, chempionlik kamari uchun kurashasan", deb vada bergan. O'shandan ber ikki yil o'tdi, hali ham kutyapman. 

Men jang qilishni davom ettirayapman, lekin kamarni qo'lga kiritganim yo'q. SHunday ekan, nima bo'layotganidan xabarim yo'q... UFCʼdagi barcha maqsadlarimga erishaman. Agar hammani mag'lub etsam, ular menga barcha kamarlarni berishi kerak bo'ladi", - dedi CHimaev matbuot anjumanida.

UFC 294 turniri 21 oktyabr kuni bo'lib o'tadi, unda Xamzat CHimaev Kamaru Usmanga qarshi jang qiladi.