CHiroqchida taekvondo bo'yicha Ochiq birinchilik o'tkazildi

2019 yil – “Faol investiciyalar va ijtimoiy rivojlanish yili” munosabati bilan CHiroqchi tuman jismoniy tarbiya va sport bo'limi hamda 1-BO'SM tashabbusi ostida tashkil etilgan mazkur ochiq birinchilikda 100 nafarga yaqin sportchi-o'quvchilar ettita vazn toifasida kuch sinashishdi. 

Kun davomida o'tgan murosasiz bellashuvlar yakunida har bir vazn toifasida g'olib va sovrindorlar medal, diplom hamda esdalik sovg'alariga ega bo'lishdi.

Ixtiyor RIZAQULOV, CHiroqchi tuman jismoniy tarbiya va sport bo'limi boshlig'i:  

- 2019 yil – “Faol investiciyalar va ijtimoiy rivojlanish yili” munosabati bilan BO'SM ochiq birinchiligini o'tkazdik. Bundan maqsad -  o'quvchilar orasida sportga bo'lgan ommaviylikni taminlash, Olimpiada dasturidan o'rin olgan sport turlari, xususan taekvondo (VTF)ni yoshlarimiz orasida rivojlantirish, shuningdek, taekvondo (VTF)ga oshno o'g'il-qizlar orasidan istedodlilarini saralash va BO'SM terma jamoasiga jalb qilishdan iboratdir. 

Ilhom RAHMONOV tayyorladi, o'z muxbirimiz