CHiroqchidagi BO'SMda “Qorbobo turniri” o'tkazildi FOTO

Yangi yil shukuhi kezib yurgan ayni kunlarda o'tkazilgan mazkur turnirda ishtirok etgan etmish nafarga yaqin o'g'il-qizlar bor mahoratlarini ishga solib, g'oliblik uchun kurash olib borishdi. 

Bayramga bag'ishlangan bellashuvlarda sportchi bolalarning ota-onalari ham ishtirok etib, bellashuvlarni  zo'r ishtiyoq bilan kuzatib borishdi. Har bir vazn toifasida g'olib va sovrindor bo'lgan yosh taekvondochilar 1-BO'SM rahbariyati tomonidan diplom va sovg'alarga ega bo'lishdi. 

SHuningdek, shu kuni BO'SM rahbariyati tomonidan murabbiylar, ota-onalar ishtirokida 2018 yil sarhisobiga bag'ishlangan tadbir ham tashkil etildi. Unda BO'SMda mavjud sport turlari bo'yicha joriy yilda erishilgan natijalar sarhisob qilindi. 

Ota-onalarning farzandlarini sportga bo'lgan etiborini yanada kuchaytirish, ularga har tomonlama shart-sharoitlar yaratish kerakligi xususida takidlab o'tildi. 

Tadbir so'nggidamurabbiylardan Abdikamol Ergashev (shaxmat),  Vazira Qo'ldosheva (taekvondo VTF), Bobur Burxonov  (taekvondo), Zokir Kobilov  (belbog'li kurash), Suvon Saidov (shaxmat)lar “Eng yaxshi murabbiy” sifatida etirof etilgan bo'lsa, ota-onalar o'rtasida Faxriddin  Mavlonov  taekvondo sport turiga qo'shgan munosib xissasi uchun taqdirlandi.

Farhod JUMANOV, CHiroqchi tuman 1-Bolalar va o'smirlar sport maktabi direktori: 

- Bayram munosabati bilan o'tkazilgan ushbu sport tadbirida ishtirok etgan o'quvchilarimiz orasida iqtidorli va g'alabaga bo'lgan ishtiyoqi yuqori bo'lgan sportchilar ko'pchilikni tashkil etishi terma jamoalarimizga munosib nomzodlar borligidan darak beradi. Fursatdan foydalanib, sportchilarimizni, murabbiylarimizni,  barchani kirib kelayotgan 2019 yil bilan BO'SM murabbiylari va sportchi-o'quvchilari nomidan qo'tlaymiz.    

Ilhom RAHMONOV tayyorladi, o'z muxbirimiz