Chuncheon Korea open–2017: Nigora Tursunqulovada oltin va boshqa natijalar

Musobaqada ishtirok etgan kattalar, kadetlar va o'smirlarning natijalari kishini quvontiradi.

Kattalar o'rtasidagi bellashuvlarda Nigora Tursunqulova (-67 kg), Diyor Sobirov (-58) va Umida Abdullaeva (-62) oltin medalni qo'lga kiritgan bo'lsa, Nikita Rafalovich (-74) hamda Temur Sobirov (-58) bronza medali bilan chegaralanishdi.

O'smirlar o'rtasidagi bahslarda ishtirok etgan Boburxon Karimov (-55) oltin, Intizor Abdulalimova (-42) kumush, Madinabonu Mannopova (-46), Javohir Toshpulatov (-55) va Doniyor Yo'ldoshev (-51) bronza medali uchun shohsupaga ko'tarildilar.

Kadetlar bellashuvlarida o'z omadini sinovdan o'tkazgan vakillarimiz orasida Amirbek Turaev (-37), Azizbek Rahmonberdiev (-45), Zafar Karimov (-37) oltin, Sevinch Musirova (-41) kumush, Umida Hasanova (-41), Mumtozbegim Xalilova (-37), Sanjarbek Kobiljonov (-33), Zarnigor Husniddinova (-33) bronza medali sovrindoriga aylanishdi.

Eng kichik yoshlilar o'rtasida g'olib nomini aniqlash uchun o'tkazilgan bahslar yakuniga ko'ra, Abdumalik Abdumajidov (-27) birinchi, Nurlan Baxajaev (-36), Diyora Inomalieva (-29), Kamolbek G'ulomjonov (-24) ikkinchi, Zafar Sattorov (-27), Izzatbek G'ulomjonov (-22)lar uchinchi o'rindan joy egallashdi.

SHunday qilib, umumjamoa hisobida 7 oltin, 5 kumush va 11 bronza medalini qo'lga kiritgan sportchilarimiz 9 iyul kuni Toshkent shahriga qaytib kelishadi.