Cultonov Ostrava turniri asosiy to'riga yo'l oldi

Mukofot jamg'armasi 73 000 evroni tashkil etuvchi ushbu turnirda hamyurtimiz Humoyun Sultonov ham o'z omadini sinab ko'ryapti. Mamlakatimizning ikkinchi raketkasi saralash bahslaridagi ikkita uchrashuvda g'alaba qozonib, asosiy to'rga yo'llanma oldi. 

Sultonov avvaliga saralashning 1/2 finalida chexiyalik Endryu Paulsonni 6/3, 6/2 hisobida mag'lub etdi. Asosiy to'rga yo'llanma taqdim etgan final bahsida esa avstriyalik Gerald Melcerdan 6/1, 6/2 hisobida ustun keldi. Gerald taniqli Yurgen Melcerning ukasi hisoblanadi. 

Taqqoslash uchun, Sultonov ATP reytingida 425, Paulson 415, Melcer esa 418-o'rinni egallab turibdi. Bugun Humoyun asosiy to'rning 1/16 finalida dunyoning 241-raketkasi franciyalik Garold Mayoga qarshi kortga chiqadi. Ushbu bahs bizning vaqt bilan soat 13:00da boshlanishi belgilangan.