Dana Uayt UFC 300 bo'yicha hammani qiziqtirib qo'ydi

Tashkilot rahbari hozircha jang sanasi va manzilini aytgan xolos. Karddan qanday janglar o'rin olgan, kimlar oktagonga ko'tarilishi haqida esa hali aniq malumotlar yo'q. 

"Yaqin kunlarda mendan ajoyib yangilik kuting. UFC 300 turniriga oid qiziqarli malumotlarni anons qilaman. To'g'ri, bu turnir haqida to'liq malumot bo'lmaydi, lekin sizlarga aytadigan xabarim ko'pchilikka qiziq bo'lishi tayin. SHunday ekan, yangilikka tayyor turing", - dedi Dana Uayt. 

Avvalroq, UFC 300 yubiley turniri 2024 yilning 13 aprel kuni AQSHning Nevada shtati Las-Vegas shahridagi "Ti-Mobayl" arenada o'tkazilishi haqida xabar berilgan edi. 

Tasdiqlanmagan xabarlarga ko'ra, UFC 300 turnirining markaziy jangi yarimo'rta vazn toifasida Konor Makgregor va Maykl CHendler o'rtasida bo'lib o'tadi. SHuningdek, UFC chempionlari Veyli CHjan va Aleksa Grasso o'zaro jang qilishga roziliklarini berishgan. Yarimo'rta vaznda amaldagi chempion Leon Edvards ham UFC 300 turnirida jang qilish istagini bildirgan.