Daniel Korme Jon Jonsning chempionlik kamarini qo'lga kiritganiga munosabat bildirdi

"Jon Jons og'ir vazn toifasida UFC chempioni bo'ldi va buni ko'pchilik undan kutmagan edi. Jon Jons bu jang u uchun qanchalik oson bo'lishini aytgan edi, ammo hech kim bunga ishonmadi

U biroz sekin harakat qildi, uning harakatlari u qadar tez emas edi. Lekin, u qancha vazn yiqqanini hisobga olsak, bu tabiiy. Siril Gan asabiy edi va qatiyatsiz harakat qildi. Jon Jons u bilan jangda qilish mumkin bo'lmagan barcha ishlarni qildi.

Jon Jons Frensis Ngannuga mag'lub bo'lgan Siril Ganni bo'ysundirish orqali chempionga aylandi. Unga uch yillik tanaffusdan so'ng og'ir vazn toifasida UFC chempioni bo'lish uchun ikki daqiqa vaqt kerak bo'ldi" - dedi Korme.

SHuningdek, Korme chempionlik kamariga rasman navbatdagi davogar deb topilgan Stipe Miochich Jon Jons uchun haqiqiy sinovga aylanishini aytdi.

"Albatta Miochich uning uchun katta sinov bo'ladi. Stipe nafaqat teykdaunga qarshi qanday kurashishni biladi va balki chempionlik tajribasiga ham ega", - deya qo'shimcha qildi Korme.