Dilshodbek Ro'zmetovning navbatdagi raqibi va jang sanasi malum bo'ldi

Boks bo'yicha havaskorlar o'rtasida jahon chempionati kumush medali sohibi, Osiyo chempioni va bir qancha musobaqalar g'olibi, professional boksda yarimog'ir vazn toifasida ishtirok etib kelayotgan Dilshodbek Ro'zmetovning (1-0) navbatdagi raqibi va jang sanasi malum bo'ldi.

Unga ko'ra, Ro'zmetov 4 mart kuni Meksikada tashkil etilayotgan boks oqshomi doirasida mezbon yurt vakili Xesus Palomaresga (7-1-1) qarshi ringga ko'tariladi. Musobaqa DAZN platformasi orqali translyaciya qilinishini qayd etish lozim.

Ayni damda, Ro'zmetov bo'lajak jangiga AQSHda tayyorgarlik olib bormoqda.

Eslatib o'tamiz, Dilshodbek prof boksdagi so'nggi jangini 2021 yil 17 dekabr kuni Toshkentda tashkil etilgan boks oqshomi doirasida rossiyalik Maksim Smirnovga (9-15-5) qarshi o'tkazib, g'olib bo'lgan edi.