Dimitrov Jeneva turniri yarim finalida o'ynaydi

Dunyoning 33-raketkasi bo'lib turgan bolgariyalik Grigor Dimitrov 2 soatu 46 daqiqa davom etgan murakkab bahsda ATP reytingining 85-pog'onasida borayotgan avstraliyalik Kristofer O'Konnelni 6/7(5), 7/5, 6/4 hisoblarida mag'lubiyatga uchratdi. 

Tennischilarning o'zaro uchrashuvlaridagi hisob 2:0 ko'rinishiga keldi. Grigor 13, O'Konnel esa 7 ta eys zarbasini amalga oshirgan. Qo'shxatolar har ikki tennischida ham 3 tadan bo'ldi. Endi Dimitrov 1/2 finada amerikalik Teylor Fritcga qarshi kortga chiqadi.