Doston Bozorov braziliyalik raqibga qarshi jang qiladi

Avvalroq, mazkur musobaqa doirasida engil vazn toifasida Octagon ligasining vaqtinchalik chempionlik kamari sohibi, hamyurtimiz Doston Bozorov (8-1) ham oktagonga ko'tarilishi haqida xabar bergan edik. Malum bo'lishicha, Doston 18 avgust kuni braziliyalik Tiago Silva (24-13) bilan jang qiladi. Jang 3 raund etib belgilangan.

Eslatib o'tamiz, Bozorov oxirgi jangini Toshkentda tashkil etilgan Octagon 42 turnirida qozog'istonlik Janserik Jaksigulovga qarshi o'tkazgan va g'alabasi evaziga Liganing vaqtinchalik chempionlik kamarini qo'lga kiritgan edi. Tiago Silva esa so'nggi bor 14 aprel kuni hamyurti Markos dos Santos bilan jang qilib, o'z g'alabasini rasmiylashtirgan edi.