Doston Bozorovning Octagon 48 musobaqasidagi chempionlik jangi bekor qilindi. Nega?

Mazkur musobaqada engil vazn toifasida Octagon ligasi vaqtinchalik chempionlik kamari sohibi, o'zbekistonlik Doston Bozorov (8-1) o'z kamarini braziliyalik Tiago Silvadan (24-13) himoya qilishi kerak edi. Biroq Bozorov jarohat sabab bu musobaqani o'tkazib yuboradigan bo'ldi.

Olamsport.com muxbiri Sarvinoz Raxmonqulovaning xabar berishicha, Doston Bozorov 9 sentyabr kuni Qirg'izistonning Bishkek shahrida o'zining navbatdagi jangini o'tkazadi.

Malumot o'rnida, bugungi Octagon 48 musobaqasining markaziy jangida o'zbekistonlik Islom Boltaev o'rta vaznda vaqtinchalik chempion maqomi uchun ozarbayjonlik Gunduz Nabiev bilan jang qiladi.