08 jan 13:36
Yangiliklar
Tennis
Dunyoning ikkinchi raketkasi 102-pog'onadagi tennischiga yutqazdi
Avstraliyaning Adelaida shahrida o'tkazilayotgan tennis bo'yicha WTA turniri o'zining hal qiluvchi pallasiga kirdi.
Musobaqaning yarim finalida sayyoramizning ikkinchi raqamli tennischisi Ons Jaber kutilmaganda WTA reytingida 102-pog'onada borayotgan chexiyalik Linda Noskovaga 3/6, 6/1, 3/6 hisobida imkoniyatni boy berib qo'ydi.
Bir soatu 46 daqiqa davom etgan bahsda tunislik tennis malikasi 4 ta, Noskova esa 8 ta eys zarbasini amalga oshirgan. Bu tennischilarning o'zaro o'tkazgan ilk uchrashuvi edi. Ikkala tennischi ham 2 tadan breykka ega bo'lgan.
Etiborlisi, Linda qatorasiga oltinchi Top-60 reytingida borayotgan tennischini mag'lubiyatga uchratdi. Faoliyatida ilk bor WTA turniri finaliga chiqdi. Bugun finalda belaruslik Arina Sobolenkoga qarshi bahs olib boradi. G'alaba qozongan taqdirda Top-50 reytinigda debyut qiladi.
Havola :
Manba : gotennis
Fikrlar