Dzyudo afsonasi Teddi Riner Toshkentdagi jahon chempionatiga kela olmaydi

Bir muddat avval musobaqa medallari uchun asosiy davogarlardan biri Franciya terma jamoasi poytaxtimizga keladigan tarkibini oshkor qilgan va undan dzyudo afsonasi Teddi Riner ham joy olgan edi. 204 sm bo'yga ega Riner Olimpiadaning 3 ta oltin, 2 ta bronza, jahon chempionatining 11 ta oltin, 1 ta kumush, 1 ta bronza medalini qo'lga kiritganligi, 5 karra Evropa chempioni ekanligi ko'pchilikda qiziqish uyg'otayotgandi. 

Afsuski, biroz avval Teddi Rinerning o'zi Instagramdagi sahifasida jarohati sabab Toshkentga kela olmasligini malum qildi. Nachora, jarohatlar sportning ajralmas bo'lagi. 

Malumot uchun, hamyurtimiz Abdulla Tangriev Pekin Olimpiadasining 1/2 finalida aynan Teddi Rinerni mag'lub etib, finalga yo'l olgandi. Yakunda Abdulla kumush, Riner esa bronza medali bilan taqdirlangan edi.