Dzyudo. Hafta qahramonlari Toshkentda tantanali ravishda kutib olindi + FOTO

Yarim tun bo'lishiga qaramay, hafta qahramonlarini kutib olish uchun Islom Karimov nomidagi Toshkent xalqaro aeroportida O'zbekiston Turizm va sport vazirligi, Mudofaa vazirligi, Milliy Olimpiya qo'mitasi, mamlakat dzyudo federaciyasi mutasaddilari, ommaviy axborot vositalari xodimlari, dzyudochilarning oila azolari va keng sport jamoatchiligi hozir bo'ldi. Jahon chempionati sovrindorlariga zarbop to'n va anvoyi gullar taqdim etildi. 

Eslatib o'tamiz, dunyoning 118 davlatidan sara dzyudochilar qatnashgan musobaqaning yakkalik bahslarida Davlat Bobonov (-90 kg) kumush medal bilan birga Tokio Olimpiadasiga qimmatli 1400 reyting ochkosini qo'lga kiritdi. Yakunda O'zbekiston terma jamoasi 118 davlat orasida 13-o'rinni egalladi. Mikst, yani aralash jamoaviy bellashuvlarda ishtirok etgan terma jamoamiz ilk bor jahon chempionatining bronza medaliga ega chiqdi. Jamoamizning yosh dzyudochilar bilan qatnashganini inobatga olsak, bu ijobiy natija ekani oydinlashadi.

Suratlar muallifi: Alimurod Mamadaminov