Dzyudo. "Olimpiya cho'qqilari"da g'oliblar aniqlanmoqda

Musobaqada respublikamizdagi  olimpiya zaxiralari kollejlarida tarbiyalanayotgan, 2004-2005 hamda 2006  yillarda tug'ilgan 140 nafar o'g'il bolalardan iborat yosh dzyudo ustalari ishtirok etishdi. 

"Olimpiya cho'qqilari" dan joy olgan mazkur chempionatning reglamentiga muvofiq, kechagi bellashuvlarda 42, 46, 50, 55 va 60 kg. vazn toifalarida g'oliblar nomi aniqlandi. Unga ko'ra 42 kg. da Hasan Boynazarov (Toshkent v.), 46 kg.da Maqsud Naimov (Jizzax), 50 kg. da Arslonbek Qo'chqorov (Samarqand), 55 kg. da Abdulla Axadullaev (Toshkent sh), 60 kg. Asadbek Ayitbaev  (Toshkent v.) lar (Olimpiya cho'qillari) chempioniga aylanishdi. Bugun 19 mart kunggi bahslarda esa 66, 73, 81, 90 hamda +90 kg. vazn toifalarida kuchlilar saralandi. Yakuniy natijalarga ko'ra, 66 kg.da SHerbek Rashidov (Samarqand), 73 kg.da Ollanazar Norboev (Qoraqalpog'iston),  81 kg. da Melis Sodiqov (Xorazm), 90 kg.da Nurlas Amirxonov (Navoiy), +90 kg. da SHerdor Rahmatov (Qashqadaryo) lar barcha raqiblarini mag'lubiyatga uchratib, oltin medallarga ega bo'lishdi. G'olib va sovrindorlarga diplom va medallar topshirildi.

SHuni alohida takidlash joiz, musobaqaga tashrif buyurgan hakamlar, murabbiylar va sportchilar viloyat jismoniy tarbiya va sport boshqarmasiga va ushbu boshqarma tasarrufidagi Qarshi olimpiya zaxiralari kolleji, Qarshi shahar olimpiya va milliy sport turlari bo'yicha davlat ixtisoslashtirilgan maktab-internati, viloyat ixtisoslashtirilgan bolalar- o'smirlar gimnastika sport maktabi hamda  Milliy olimpiya qumitasi viloyat vakilligiga, viloyat dzyudo federaciyasiga chempionatning yuqori saviyada o'tishida barcha sharoitlarni yaratib bergani uchun o'z minnatdorchiliklarini izhor etishdi.

Ilhom RAHMONOV, Qarshi shahridan tayyorladi