Dzyudo. O'zbekistonning Yaponiyadagi elchixonasida uchrashuv bo'lib o'tdi

Marosimda elchixona rasmiy vakillari, O'zbekiston milliy olimpiya qo'mitasi hamda Yaponiyadagi O'zbekiston yoshlari associaciyasi xodimlari hozir bo'lishdi. O'zbekiston dzyudo federaciyasi raisi Azizjon Kamilov yurtimizda olimpiya oilasiga mansub dzyudo sport turiga qaratilayotgan hukumat darajasidagi etibor, buning natijasida dzyudo bilan oshno tutinayotgan yoshlar sonining ortib borayotgani, mamlakatimizda IJF (Xalqaro dzyudo federaciyasi) shafeligida o'tkazilayotgan nufuzli musobaqalar haqida atroflicha malumot berdi. 

Tadbirda muhokama qilingan eng asosiy masala bu shubhasiz, o'zbekistonlik sportchilar, xususan dzyudo bo'yicha terma jamoamizning Tokio-2020 Olimpiadasi yo'lida olib borayotgan tayyorgarligi bo'ldi. O'zbekiston milliy olimpiya qo'mitasi vice-prezidenti Azizjon Kamilov bu haqda ham yig'ilganlarga so'zlab berdi. 

SHuningdek, marosimda O'zbekiston terma jamoasining Tokio shahrida start olish arafasida turgan jahon chempionatiga olib borgan hozirligi bo'yicha ham so'z bordi. Do'stona ruhda o'tgan uchrashuv so'nggida O'zbekiston dzyudo federaciyasi hamda Yaponiyadagi O'zbekiston yoshlari associaciyasi o'rtasida hamkorlik Memorandumi imzolandi. Kelishuvga Azizjon Kamilov va associaciya raisi Jo'rabek Hasanov imzo chekishdi. 

O'zbekiston dzyudo federaciyasi ushbu uchrashuvni tashkil etishda yaqindan yordam bergan mamlakatimizning Yaponiyadagi elchixonasi xodimlari, xususan elchining savdo-iqtisodiy masalalar bo'yicha maslahatchisi Xurshid Haydarov hamda O'zbekiston milliy olimpiya qo'mitasiga minnatdorchilik bildiradi.