Dzyudo rivoji viloyatlar kesimida muhokama qilindi

Tabiiyki, musobaqa sabab federaciyaning barcha viloyatlardagi bo'limlari mutasaddilari, murabbiylari Toshkentda jam bo'lishgan. 

Fursatdan foydalanib, MOQ majlislar zalida bugun dzyudo sportining mamlakatimizdagi rivoji, xususan 2020 yil sarhisobi bo'yicha yig'ilish o'tkazildi. Unda MOQ raisi Rustam SHoabdurahmonov, bosh kotib Oybek Kasimov, rais o'rinbosarlari Azizjon Kamilov (O'zbekiston dzyudo federaciyasi raisi), SHerzod Tashmatov, Jismoniy tarbiya va sport vazirligi mutasaddilari, barcha viloyatlar, Toshkent shahri va Qoraqalpog'iston Respublikasidan kelgan mutasaddilar ishtirok etishdi. Yig'ilishni MOQ raisi ochib berdi.

“Dzyudo yoshlarimizning eng sevimli sport turlaridan biri. Uni yanada ommalashtirish bo'yicha katta hajmda ish olib bormoqdamiz. Xalqaro dzyudo federaciyasi prezidenti bilan kattalar o'rtasidagi jahon chempionatini Toshkentda o'tkazish bo'yicha kelishuvga erishdik. Nasib qilsa, kelasi yil Katta dubulg'a turnirini ham ilk bora mamlakatimizda o'tkazamiz. Bularning barchasi Siz – dzyudo oilasi uchun”, – dedi Rustam SHoabdurahmonov.  

Ochiq muloqot tarzida kechgan yig'ilishda viloyatlarda dzyudo rivoji yo'lida yo'l qo'yilayotgan kamchiliklar, mavjud muammolar atroflicha muhokama qilindi. Xususan, yoshlar va kattalar o'rtasida o'tkazilgan O'zbekiston chempionati natijalari tahlil qilinganida, qaysi viloyatlarda selekciya ishlari yaxshi yo'lga qo'yilmagani, buning oqibatida natijalar keskin pasayib ketgani alohida takidlandi. 

Yangi yilning ilk oyidayoq dzyudo sport turi oqsayotgan Sirdaryo, Jizzax, Navoiy kabi viloyatlarga chiqilib, u erdagi muammolar o'rganilishi hamda bartaraf etilishi aytildi. SHuningdek, uchrashuvda bir-biriga yaqin viloyatlar o'rtasida o'zaro o'quv-mashg'ulot yig'inlari va musobaqalar o'tkazish kabi takliflar muhokama qilindi.