12 dek 10:17
Yangiliklar

Dzyudo

Dzyudo. SHarofiddining g'alabali yurishi davom etmoqda, Diyorbek esa...

Xitoyning Cindao shahrida "Masters" seriyasiga kiruvchi nufuzli turnirning birinchi kungi bahslari davom etmoqda.

Avvalroq, -60 kg vaznli dzyudochimiz SHarofiddin Lutfullaev ilk jangida xitoylik raqibini mag'lub etgani haqida xabar qilgandik. Hozirgina hamyurtimiz braziliyalik kuchli raqib - Felipe Kitadaiga qarshi jang qildi va ikkinchi g'alabasiga erishdi. Endi SHarofiddin yarim final yo'llanmasi uchun rossiyalik Robert Mshvidobadzega qarshi tatamiga chiqadi.

Musobaqada -60 kg vazn toifasida yurtimiz sharafini himoya qilayotgan Diyorbek O'rozboev ikkinchi davrada britaniyalik Eshli Makkenziga qarshi jang qildi va imkoniyatni boy berib qo'ydi.

Eslatib o'tamiz, u musobaqadagi ilk jangida amaldagi jahon chempioni Lukxumi CHxvimianini mag'lub etgandi.