Dzyudo. "Tashkent Grand Slam" turnirining ilk kunida beshta medal qo'lga kiritdik

Musobaqaning ilk kunida 5 nafar dzyudochimiz medallarga ega chiqdi. 

-60 kg vazn toifasida Kamoliddin Baxtiyorov boshqa bir yurtdoshimiz Bahrom Boturovni mag'lubiyatga uchratdi va bronza medaliga sazovor bo'ldi. 

-60 kg vaznli Anvarjon Ibrohimov Franciya vakili Sedrich Revoldan ustun keldi va bronza medaliga ega chiqdi. 

-66 kg vazn toifasida Muhriddin Tilovov bronza uchun kechgan bahsda Tojikiston dzyudochisi Nurali Emomalini taslim etdi.

-66 kg vazndagi yana bir "o'zbekcha derbi"da Artyom SHturbabin Abdukarim Nutfulloevdan ustun kelib, bronza medalini terma jamoamiz hisobiga qo'shib qo'ydi.  

-66 kg vazn toifasida Zamohshari Bekmurodov finalgacha etib bordi va xal qiluvchi bahsda IJF bayrog'i ostida ishtirok etayotgan Ramazan Abdulaevga imkoniyatni boy berdi.