Dzyudochimiz faxriylar o'rtasidagi jahon chempionatida kuchli beshlikdan joy oldi

Musobaqada dunyoning 4 qitasi 43 davlatidan jami 395 (376 erkak, 19 ayol) nafar faxriy dzyudochilar jahon chempionati medallari uchun tatamiga chiqyapti. Ular orasida 5 nafar o'zbekistonlik faxriy dzyudochilar ham bor. 

Kecha -100 kg vazn toifasidagi ikki faxriy dzyudochimiz jahon chempionatida o'z mahoratini namoyish etdi. Muxtorxo'ja Tulaevga omad kulib boqmadi. Jamshid Fayziev esa bronza medali uchun kechgan qiyin bellashuvda polshalik raqibiga qo'shimcha vaqtda imkoniyatni boy berib, jahon chempionatidagi ishtirokini kuchli beshlikda yakunladi.