Eddi Xirn Usik - Dyubua revanshi uchun o'z taxminini aytdi

"Usikka ruhiy tomonlama bosim o'tkazishning imkoni yo'q. Hatto Tayson Fyuri ham buni uddalay olmadi. Kecha duelda Dyubua yuziga baqirganida Usik hatto ko'zini ham yumgani yo'q — bu katta narsani anglatadi.

Albatta, Dyubua — xavfli raqib, kuchli, ishonchli, ammo Usik juda aqlli. U masofani saqlashni biladi, sekin va keng aylanma zarbalardan qochadi va Dyubuani qismlarga bo'lib sindiradi, to u taslim bo'lmaguncha", - dedi Xirn.

Eslatib o'tamiz, Usik va Dyubua o'rtasidagi ilk jangda ukrainalik bokschi Aleksandr Usik raqibini nokautga uchratgan edi.