Elena Ribakina "Rolan Garros" uchinchi bosqichiga chiqdi

Qozog'istonlik tennischi 87 daqiqa davom etgan bahsda WTA reytingida roppa-rosa 50-o'rinni egallab turgan chexiyalik Linda Noskovadan ikki setda ham bir xil hisobda ustun keldi - 6/3, 6/3.

Bu tennischilarning o'zaro o'tkazgan ilk uchrashuvi edi. Ribakina 4 ta, Noskova 2 ta eys zarbani amalga oshirdi. Elena bu yilgi mavsumdagi 30-g'alabasini tantana qildi. Eng ko'p g'alaba belaruslik Arina Sobolenkoga tegishli - 31 ta.

Endi Elena Ribakinoy Franciya Ochiq chempionatining uchinchi davrasida Sara Sorribes-Tormoga qarshi kortga chiqadi. Ispaniyalik tennischi ikkinchi bosqichda xorvatiyalik Petra Martichni musobaqadan chiqarib yubordi - 6/4, 6/1.