Elena Ribakina SHtutgartda muvaffaqiyatli start oldi

Sayyoramizning ettinchi raqamli tennis malikasi Elena Ribakina ushbu musobaqadagi ishtirokini g'alaba bilan boshlab oldi. Qozog'istonlik tennischi WTA reytingida 65-o'rinni egallab turgan Yulya Nimayerni 7/5, 6/3 hisoblarida mag'lubiyatga uchratdi. 

To'qson daqiqa davom etgan bahsda Ribakina 9, Nimayer esa 2 ta eys zarbasini amalga oshirgan. Bu tennischilarning o'zaro o'tkazgan ilk uchrashuvi edi. Endi Elena keyingi davrada braziliyalik Beatris Xaddad-Mayyaga qarshi kortga chiqadi.