05 jan 12:42
Yangiliklar

Tennis

Elina Svitolina Radukanuga qarshi bahsda irodali g'alabaga erishdi

Yangi Zelandiyaning Oklend shahrida tennis bo'yicha WTA turniri davom etmoqda.

Dunyoning 25-raketkasi bo'lib turgan ukrainalik Elina Svitolina ikkinchi davrada WTA reytingida 301-pog'onadan joy olgan britaniyalik Emma Radukanu ustidan irodali g'alabaga erishdi - 6/7(5), 7/6(3), 6/1.

Tennischilarning o'zaro ilk uchrashuvi 2 soatu 52 daqiqa davom etgan. Svitolina 10, Radukanu 6 ta eys zarbasini ijro etgan. Qo'shxatolar Emmada ko'proq bo'ldi - 6 ga 3! Elina 6, raqibasi 4 ta breykni amalga oshirgan. Endi ukrainalik tennis malikasi ASB Classic turnirining chorak finalida chexiyalik Mari Buzkovaga qarshi kortga chiqadi.