Elshod Rasulov jahon chempionatiga tayyorgarlik, tarkib va Hindistonga jo'nab ketish haqida gapirdi

SHu kunlarda JCHda ishtirok etadigan O'zbekiston ayollar terma jamoasi bosh murabbiy Elshod Rasulov boshchiligida Toshkentda o'quv-mashg'ulot yig'inlarini olib bormoqda. O'zbekiston boks federaciyasi matbuot xizmati mazkur yig'inga tayyorgarlik yuzasidan murabbiyning fikrlari bilan qiziqdi. 

- Ayni paytda Toshkentda o'tkazilayotgan yig'in, shuningdek oldinda turgan JCHga tayyorgarlik haqida gapirib bera olasizmi? 

- Hozirgi kunda poytaxtimiz Toshkent shahrida jahon chempionatiga tayyorgarlikning so'nggi bosqichlaridan birini olib bormoqdamiz. Asosan texnik-taktik holatga etibor qaratyapmiz. Raqiblarimizni bilamiz va shundan kelib chiqqan holda tayyorgarlik o'tkazyapmiz. 

- Yakuniy tarkibni o'zingiz uchun aniqlab olgan bo'lsangiz kerak. Bu haqida qachon bilib olishimiz mumkin bo'ladi? 

- Ha, jahon chempionatida qatnashadigan yakuniy tarkibni aniqlab oldik. Ayollar terma jamoasi murabbiylar shtabi o'tkazilgan musobaqalar va o'quv-yig'in mashg'ulotlaridan kelib chiqqan holda, Nyu-Delida o'tkaziladigan jahon chempionatida qatnashadigan tarkibni aniqlab oldik. Bu bo'yicha yaqin kunlarda tarkibni elon qilamiz. 

- Terma jamoamiz qachon Nyu-Deliga jo'nab ketadi? 

- 7 mart kuni jahon chempionati o'tkaziladigan Nyu-Deli shahriga yo'l olamiz. U erda JCHga tayyorgarlikning eng oxirgi bosqichi o'tkaziladi.

- Hindistondagi JCHda terma jamoa oldiga qo'yilgan minimum vazifa qanday?

- Bugungi kunga kelib qizlarimiz yaxshi sport formasida. Ko'plab xalqaro musobaqalarda qatnashdik, tajriba orttirdik. Men shogirdlarimga ishonaman va ringga albatta yaxshi natija uchun chiqamiz.