04 jan 15:41
Yangiliklar

Tennis

Emma Radukanu Australian Open asosiy to'ridan joy oldi

Dunyoning 301-raketkasi bo'lib turgan Emma Radukanu to'g'ridan-to'g'ri yilning ilk "Katta Dubulg'a" turniri - Australian Open asosiy to'rida qatnashadigan bo'ldi.

Bu holat amerikalik Loren Devisning jarohati sabab musobaqada ishtirok eta olmasligi malum bo'lganidan keyin ro'y berdi. Britaniyalik tennischining o'zi ham shu haftada faoliyatini qayta tikladi. U qo'lidagi jarrohlik amaliyotidan so'ng uzoq muddat kortdan tashqarida qolayotgandi.

US Open-2021 g'olibasi Yangi Zelandiyaning Oklend shahrida o'tkazilayotgan turnirda ishtirok etyapti. Emma ilk davrada ruminiyalik Elena Gabriela Ruzeni mag'lubiyatga uchratgan. Ertaga u ikkinchi bosqichda ukrainalik Elina Svitolinaga qarshi kortga chiqadi.