Ertaga "Universal"da O'zbekiston chempionati boshlanadi

Mamlakat birinchiligida Qoraqalpog'iston Respublikasi, barcha viloyatlar hamda Toshkent shahridan 300 nafardan ziyod dzyudochi ishtirok etadi. 2000-2002 yillarda tavallud topgan yoshlar o'rtasida o'tkazilayotgan O'zbekiston chempionatida o'g'il bolalar va qizlar 7 tadan vazn toifasida musobaqa medallari uchun tatamiga chiqishadi. 

Reja bo'yicha bugun ishtirokchilarni ro'yxatdan va tarozidan o'tkazish, qura tashlash marosimlari, murabbiylar hamda hakamlar uchun seminarlar o'tkaziladi. O'zbekiston chempionati ertaga soat 10:00da boshlanadi. Soat 16:00da musobaqaning ochilish marosimi bo'lib o'tsa, soat 17:00dan dastlabki kungi final bellashuvlarga start beriladi. 

Musobaqa dasturi: 

20 noyabr. Boshlanish vaqti: soat 10:00, final bloki 17:00-19:00 

O'g'il bolalar: -60, -66, -73 kg

Qizlar: -48, -52 kg

21 noyabr. Boshlanish vaqti: soat 10:00, final bloki 17:00-19:00 

O'g'il bolalar: -81, -90 kg

Qizlar: -57, -63, -70 kg

22 noyabr. Boshlanish vaqti: soat 10:00, final bloki 14:00-16:00      

O'g'il bolalar: -100, +100 kg

Qizlar: -78, +78 kg