ESPN mutaxassisi: "Beterbiev Bivolni nokaut qiladi"

Taniqli teleboshlovchi va ESPN eksperti Stiven Ey Smit yarimog'ir vaznda WBC, WBO va IBF yo'nalishlari chempioni Artur Beterbievni (18-0) hamyurti, hozirda mazkur vaznda WBA Super kamari sohibi Dmitriy Bivol (21-0) bilan ehtimoliy jangda favorit deb hisoblashini aytdi.

"Bivol? Mana, men sizga aytaman. Beterbiev uni nokaut qiladi. Rosti, men shunday deb o'ylayman. Artur pancher bo'lganigina uchun emas, u doimo oldinga intiladi, raqibini taqib qiladi va uni ringda kesib tashlaydi. Undan shunchaki qochib ketish qiyin", - dedi Smit.

Artur Beterbiev so'nggi bor 18 may kuni AQSH vakili kichik Jo Smit (28-3-0)ga qarshi ringga ko'tarilib, raqibini ikkinchi raundda texnik nokaut evaziga mag'lubiyatga uchratgan edi. Bivol esa ohirgi jangini 5 noyabr kuni meksikalik Xilberto Ramires (44-0)ga qarshi o'tkazib, hakamlarning qarori bilan g'alaba qozongandi.